Fransanın Lion klubu heyətini yeni futbolçu ilə gücləndirib.
Corner.az xəbər verir ki, Liqa 1 təmsilçisi Fransanın digər klubu “Anje”nin yarımmüdafiəçisi Ceff Ren-Adelaidi transfer edib.Bu barədə klubun rəsmi saytı məlumat yayıb. 21 yaşlı futbolçu ilə 5 illik müqavilə imzalanıb.
Lion bu keçidə görə “Anje”yə 25 milyon avro ödəyib. Bonuslarla bu məbləğin 27,5 milyon avroya çatması nəzərdə tutulub. “Anje” bu futbolçunun gələcəkdəki satışından da 15 faiz gəlir əldə edəcək.
Qeyd edək ki, Ren-Adelaid 2018-ci ildən “Anje”nin uğurları üçün çalışırdı.
