Neymar yenidən Messi ilə komanda yoldaşı ola bilər

"Santos"un hücumçusu Neymar karyerasını "İnter Mayami"də davam etdirə bilər.

90deqiqe.Az xəbər verir ki, 33 yaşlı forvardı qış transfer pəncərəsi zamanı transfer edə bilməyən MLS təmsilçisi bu keçidi yayda reallaşdırmaq niyyətindədir.

"İnter Mayami" klubunun rəhbərliyi xüsusən də ABŞ-ın 2026-cı ildə dünya çempionatına ev sahibliyi edəcəyini nəzərə alaraq bunu Neymarın transferində israrlıdır.

Daha əvvəl mətbuatda 33 yaşlı hücumçunun "Barselona"ya qayıtmaq istəyi barədə məlumat yayılmışdı, lakin Kataloniya klubunun hazırda başqa prioritetləri var və Neymarı transfer etmək variantını nəzərdən keçirmədiyini açıqlamışdı.

Futbolçunun "Santos"la hazırkı əmək müqaviləsi 2025-ci ilin yayına kimi nəzərdə tutulub.