"Fənərbağça"dan MLS klubuna

"Fənərbağça"nın yarımmüdafiəçisi Cengiz Ünder karyerasını MLS-də davam etdirə bilər.

90deqiqe.Az "Play Spor"a istinadən xəbər verir ki, Amerika Futbol Liqasından (MLS) adı hələlik açıqlanmayan bir klubun türk futbolçu üçüb İstanbul klubuna rəsmi təklif göndərib.

Tərəflər arasında hazırda danışıqlar davam edir.  Amerikada transfer pəncərəsi açıq olduğundan milli oyunçu təklifi qəbul edərsə bu keçid reallaşa bilər.

Qeyd edək ki, qış transfer dönəmində “Beşiktaş” və Rusiya klubları Cengiz Ünderlə anlaşa bilməyib."Fənərbağça"da 42 matça çıxan Cengiz Ünder 9 qol vurub, 3 məhsuldar ötürmə edib.

Ötən mövsüm Cengiz Ünder 15 milyon avroya "Marsel"dən "Fənərbağça"ya transfer olunmuşdu.