Vinisius Junior klubun ortaq sahibi oldu

Portuqaliyanın ikinci dərəcəli futbol divizionunda çıxış edən "Alverka" futbol klubunun payının satıldığı açıqlanıb.

90deqiqe.Az "A Bola"ya istinadən xəbər verir ki, iş adamı Rikardo Visintin öz payını İspaniya və Braziliyadan olan bir qrup investora satıb. Həmin investorlar içində "Real Madrid"in hücumçusu Vinisius Junior da yer alıb. Sövdələşmənin dəyəri təxminən 10 milyon avrodur.

 Vinisius Junior və digər Real Madrid futbolçuları hazırda Çempionlar Liqasında “Mançester Siti” ilə cavab oyununa hazırlaşır. Bu mövsüm Vinisius 31 oyun keçirib, 16 qol vurub və 12 məhsuldar ötürmə edib.