Dibalaya 75 milyon avro təklif olunub

"Roma"nın hücumçusu Paulo Dibala karyerasını Səudiyyə Ərəbistanı çempionatında davam etdirə bilər.

90deqiqe.Az "Todofichajes"ə istinadən xəbər verir ki, argentinalı forvardın xidmətində “Əl-Qadisiya” maraqlıdır.

Sözügedən komanda Dibalaya 75 milyon avro dəyərində 3 illik müqavilə təklif edib. Paulo əlverişli şərtləri qəbul edib Yaxın Şərqə gedə bilər.

A Seriyasının cari mövsümündə 31 yaşlı futbolçu 21 oyun keçirib, 6 qol vurub və iki məhsuldar ötürmə edib. Dibalanın "Qurdlar"la müqaviləsi 2026-cı ilin ortalarına qədərdir və onun bazar dəyəri 8 milyon avrodur.