- Transfer
- 21:17 23.02.2025
Yarımmüdafiəçi Pol Poqba yenidən "Mançester Yunayted"in formasını geyə bilər.
90deqiqe.Az “Transfer News Live”ə istinadən xəbər verir ki, 31 yaşlı futbolçu artıq “qırmızı şeytanlar”ın baş məşqçisi Ruben Amorimlə şəxsi söhbət edib.
Bildirilir ki, “Mançester Yunayted” Poqbaya 1 illik müqavilə təklif etməyə hazırdır. Klub çoxlu sayda bonus ödənişləri ilə aşağı maaşla razılaşmaq istəyir.
Qeyd edək ki, Pol Poqbanın dopinq diskvalifikasiyası martın 10-da başa çatır. Hazırda təcrübəli fransız yarımmüdafiəçi klubsuzdur.
