Daha bir klub Osimhen uğrunda mübarizəyə qoşulur

"Arsenal" yay transfer pəncərəsində hazırda Türkiyənin "Qalatasaray"ında icarə əsasında çıxış edən hücumçu Viktor Osimheni transfer etmək istəyir

90deqiqe.Az-ın məlumatına görə, London klubu bu mövsüm başa çatdıqdan sonra hücum xəttini hüquqları "Napoli"yə məxsus olan nigeriyalı ilə gücləndirmək istəyir. "Topçular" "Mançester Yunayted"in də maraqlandığı 26 yaşlı oyunçunun transferi üçün "Napoli" ilə danışıqlar aparmağı planlaşdırır.

"Arsenal"ın rəhbərləri Osimhen üçün təxminən 75 milyon avro ödəməyə hazırdır.

Xatırladaq ki, Viktor Osimhen cari mövsümdə "Qalatasaray"ın heyətində Türkiyə liqasında 19 oyun keçirib, 14 qol vurub və 4 məhsuldar ötürmə edib.