Zubir "Genqam"a keçməyə yaxındı

Qarabağ'ın futbolçusu Abdullah Zubir Fransaya qayıtmağa hazırlaşır.

Corner.az xəbər verir ki, bu iddianı Fransa mətbuatı yayıb.Yerli KİV-in iddiasına görə, Mərakeş əsilli futbolçu artıq "Genqam"ın təklifini müsbət dəyərləndirib. Həmkarlarımız hazırda Azərbaycanda olan Fransa klubunun prezidenti Bertrand Desplat və klub rəsmisi Stefan Kornonun transferi tamamlamağa yaxın olduğunu bildirilib: "Ötən il "Lans"ı "Qarabağ"a dəyişən Zubir komandasının Çempionlar Liqasından kənarda qalmasından sonra Fransaya qayıtmağın əleyhinə deyil".

Lakin "Genqam" rəhbərliyi transfer üçün "Qarabağ"la da razılıq əldə etməlidi.

Qeyd edək ki, 28 yaşlı futbolçunun Azərbaycan çempionu ilə müqavilə müddəti gələn ilin yayına qədərdi.