"Liverpul" yayda "Barselona"nın ulduzunu transfer edə bilər

"Liverpul"un rəhbərləri yay transfer pəncərəsində "Barselona"nın ulduzu hücumçu Rafinya Diası transfer etməyə çalışa bilər.

90deqiqe.Az "El Nacional"a istinadən xəbər verir ki, mersisaydlılar 28 yaşlı futbolçunu hələ "Liverpul"la yeni müqaviləyə razılıq verməyən və yayda azad agent kimi komandadan ayrıla biləcək Məhəmməd Salahın əvəzləyicisi kimi nəzərdən keçirir.

İngiltərə nəhəngi braziliyalı üçün təxminən 100 milyon avro ödəməli olacaqlar.

Braziliyalı artıq Premyer Liqada "Lids"də çıxış edib. Xatırladaq ki, bu mövsüm Rafinya Diaz İspaniya çempionatında "mavi qranatlar"ın heyətində 26 oyun keçirib və 13 qol vurub və 7 məhsuldar ötürmə edib.