Simeone "Barselona"nın futbolçusunu "Atletiko"ya gətirmək istəyir

"Atletiko Madrid"in baş məşqçisi Dieqo Simeone "Barselona"nın futbolçusunu komandasında görmək istəyir.

90deqiqe.Az "El Nacional"a istinadən xəbər verir ki, söhbət yarımmüdafiəçi Fermin Lopesdən gedir. Simeonenin bu futbolçunu alınmaq istəyini rəhbərliyə bildirib. Artıq Madrid klubunun rəhbərliyi futbolçunun agenti ilə yaxın vaxtlarda danışıqlara başlayacaq.

21 yaşlı Lopez "Barselona"nın müntəzəm start heyətində deyil, matçlara başlamaq əvəzinə əvəzedici kimi meydana çıxır. Bu mövsüm Fermin 28 oyuna çıxıb, 5 qol vurub və komanda yoldaşlarına 5 məhsuldar ötürmə edib. Qeyd edək ki, nüfuzlu Transfermarkt portalının ekspertləri Fermin Lopezi 50 milyon avro qiymətləndirir.