"Liverpul" "Ştutqart"ın "yeni Kroosu"na göz dikib

"Ştutqart"ın yarımmüdafiəçisi Anjelo Stiller karyerasını "Liverpul"da davam etdirə bilər.

90deqiqe.Az-ın "Caught Offside"a istinadən verdiyi xəbərə görə, alman futbolçusunun müqaviləsində 2026-cı ildə qüvvəyə minəcək 36 milyon avroluq sərbəst qalma maddəsi yer alır. Lakin, "Liverpul" gələn yay 23 yaşlı oyunçunu transfer etmək üçün daha böyük məbləğ təklif etməyi planlaşdırır. Mersisayd klubu, futbolçunun gənc yaşına baxmayaraq, heyətə qatılaraq komandanın yarımmüdafiə xəttini gücləndirməyi hədəfləyir.

Stiller bu mövsüm bütün turnirlərdə 37 oyun keçirib, 3 qol vurub və 6 məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 32 milyon avrodur.