"Çelsi"nin yayda transfer etmək istədiyi üç futbolçu açıqlanıb

"Çelsi" "Barselona"nın üç futbolçusu ilə maraqlanır.

90deqiqe.Az-ın "El Nacional"a istinadən verdiyi xəbərə görə, "mavilər" yarımmüdafiəçilər Mark Kasado və Fermin Lopezi, eləcə də müdafiəçi Jül Kundeni transfer etməyi düşünür. Danışıqlar gələn ilin yayında başlaya bilər.

"Transfermarkt" 21 yaşlı Kasado və Lopezin dəyərini müvafiq olaraq 30 və 50 milyon avro qiymətləndiriblər. 26 yaşlı Kundenin qiyməti 60 milyon avrodur. Ötən yay “Çelsi” “Blauqrana”nın hücumçusu Mark Quyuu öz sıralarına cəlb etməyi bacarıb. Gənc ispaniyalının transferi London klubuna 6 milyon avroya başa gəlib.