"Çelsi" Osimhen üçün 75 milyon ödəyə bilər

Türkiyənin "Qalatasaray" klubunda icarə əsasında çıxış edən "Napoli"nin hücumçusu Viktor Osimhen İngiltərə Premyer Liqasında çıxış edə bilər.

90deqiqe.Az-ın "Todofichajes"ə istinadən verdiyi xəbərə görə, "Çelsi" klubu hələ də 26 yaşlı qolçu ilə müqavilə imzalamaqda maraqlıdır.

"Təqaüdçülər" yay transfer pəncərəsində nigeriyalı hücumçu almaq niyyətindədir. Tərəflər arasında artıq danışıqlar başlanılıb.

Potensial müqavilə 75 milyon avro dəyərində qiymətləndirilir.

Hazırkı Türkiyə Superliqasında Viktor “Qalatasaray”ın heyətində 21 oyun keçirib. Hücumçu 17 qol vurub və 4 məhsuldar ötürmə edib. Onun icarə müddəti iyunun sonunda başa çatır.