"Əl-Hilal" Osimhen üçün danışıqlara başlayıb

"Qalatasaray"da icarə əsasında çıxış edən "Napoli"nin hücumçusu Viktor Osimhen karyerasını Səudiyyə Ərəbistanında davam etdirə bilər.

90deqiqe.Az-ın "Sabah"a istinadən verdiyi xəbərə görə, "Əl-Hilal" 26 yaşlı forvardın xidmətində maraqlıdır və klub nümayəndələri artıq futbolçunun transferi ilə bağlı danışıqlara başlayıb.

Bildirilir ki, Səudiyyə Ərəbistanı komandası nigeriyalı üçün 75 milyon avroluq satın alma maddəsini ödəməyə hazırdır.

Bu mövsüm hücumçu bütün turnirlərdə 29 oyuna çıxıb, 23 qol vurub və 5 məhsuldar ötürmə edib. Transfermarkt ekspertləri Osimhenin dəyərini 75 milyon avro qiymətləndirir.