Messi, Bekhemdən Poqbanı "İnter Mayami"yə transfer etməyi xahiş edib

"İnter Mayami"nin ulduzu hücumçu Lionel Messi Amerika klubunun sahibi Devid Bekhemdən fransalı yarımmüdafiəçi Pol Poqbanı transfer etməyi xahiş edib.

90deqiqe.Az-ın "El Nacional"a istinadən verdiyi xəbərə görə, 37 yaşlı argentinalı futbolçu Bekhemdən yaxın vaxtlarda dopinq qadağasını tamamlamış Pol Poqba ilə müqavilə imzalamağı xahiş edib.

Fransız futbolçu hazırda komandasızdır və azad agentdir. Paulun son klubu "Yuventus" olub.

Xatırladaq ki, “Barselona”nın bir neçə sabiq futbolçusu hazırda “İnter Mayami”də çıxış edir, yəni Lionel Messi, Luis Suares, Xordi Alba və Serxio Buskets.