"Barselona" Alvaresi 22 milyon avroya almaqdan imtina edib

"Atletiko Madrid"in hücumçusu Julian Alvares 2021-ci ildə "Barselona"ya keçə bilərmiş.

90deqiqe.Az-ın "Relevo"ya istinadən verdiyi xəbərə görə, 2021-ci ildə həmin vaxt “River Pleyt”də çıxış edən argentinalının xidməti “Barselona”ya təklif olunub. Vasitəçilər kataloniyalılara futbolçunu 22 milyon avroya almağı təklif etsə də, “mavi qranatlar” imtina edərək, Ferran Torresi seçib.

Bu mövsüm 25 yaşlı dünya çempionu bütün turnirlərdə 44 oyuna çıxıb, 23 qol vurub və 5 məhsuldar ötürmə edib. Daha əvvəl Alvaresin gələn yay 200 milyon avroya bazara çıxarılacağı bildirilirdi.