Səudiyyə Ərəbistanı klubları Rafinyanı transfer etməkdə israrlıdır

Səudiyyə Ərəbistanı liqasının komandaları hələ də "Barselona"nın ulduz hücumçusu Rafinyanı transfer etməkdə qərarlıdır.

90deqiqe.Az-ın "El Nacional"a istinadən verdiyi xəbərə görə,  28 yaşlı futbolçu artıq bir neçə maraqlı təklifdən imtina edib. İndi Səudiyyə klubları yeni, idman və maliyyə baxımından daha iddialı təkliflər hazırlayır ki, bu da braziliyalı forvardı razı salmalıdır.

Qeyd edək ki, Rafinyanın özü də yaxın vaxtlarda komadanı tərk etmək niyyətində olmadığını açıqlamışdı.

Xatırladaq ki, Rafinya cari mövsümdə İspaniya çempionatında “mavi qranatlar”ın tərkibində 27 oyun keçirib, 13 qol vurub və 8 məhsuldar ötürmə edib.