Üç Premyer Liqa nəhəngi onu "Real"dan qoparmaq istəyir

"Ayaks"ın müdafiəçisi Jorrel Hato İngiltərə Premyer Liqasının aparıcı klublarının maraq dairəsindədir.

90deqiqe.Az-ın "CaughtOffside"yə istinadən verdiyi xəbərə görə, üç Premyer Liqa təmsilçisi "Real Madrid"in əsas hədəfi olan 19 yaşlı müdafiəçinin transferi üçün təkliflər hazırlayır. Söhbət “Arsenal”, “Liverpul” və “Çelsi”dən gedir. Artıq sözügedən klublar futbolçunun agenti ilə danışıqlara da başlayıblar.

Bu mövsüm Hato bütün turnirlərdə 42 matçda meydana çıxıb, 3 qol vurub və 6 məhsuldar ötürmə edib. Hatonun Amsterdam klubu ilə hazırkı müqaviləsi 2028-ci ilə qədərdir. Transfermarktın məlumatına görə, müdafiəçi 30 milyon avroya qiymətləndirilir.