"Atletiko" Qrizmanna əvəzləyici tapıb

"Marsel"in hücumçusu Meyson Qrinvud karyerasını İspaniya çempionatında davam etdirə bilər.

90deqiqe.Az-ın "Todofichajes"ə istinadən verdiyi xəbərə görə, "Atletiko Madrid" 23 yaşlı forvardı transfer etməkdə maraqlıdır. İngilis futbolçu "döşəkçilər"in heyətində Antuan Qrizmanı əvəz edə bilər.

Fransız futbolçu cari mövsümün sonunda Madrid klubunu tərk edə bilər.

Cari Fransa çempionatında Qrinvud 26 oyun keçirib, 15 qol vurub və 3 məhsuldar ötürmə edib. Futbolçunun provanslarla müqaviləsi 2029-cu ilin ortalarına qədərdir və onun bazar qiyməti 35 milyon avrodur.