Bundesliqanın iki ən yaxşı klubu Sanço uğrunda yarışacaq

"Çelsi"nin vingeri Ceydon Sanço Almaniyaya qayıda bilər.

90deqiqe.Az-ın "GiveMeSport"a istinadən verdiyi xəbərə görə, Dortmund "Borussiya"sı və "Bayer" yay transfer pəncərəsində Sançonu transfer etmək imkanlarını araşdırır.

Bildirilir ki, “Çelsi” futbolçunu “Mançester Yunayted”dən alsa belə, onu dərhal Bundesliqaya sata bilər.

Daha əvvəl bildirilmişdi ki, Sançonun özü agentlərdən onun "Borussiya"ya qayıtmasını təşkil etməyi xahiş edib.

Bu mövsüm 25 yaşlı Sanço bütün turnirlərdə 29 matçda meydana çıxıb, iki qol vurub və altı məhsuldar ötürmə edib. Transfermarkt-ın məlumatına görə, cinah oyunçusu 30 milyon avro dəyərində qiymətləndirilir.