- Transfer
- 23:49 02.04.2025
"Mançester Siti" "Barselona"nın liderlərindən birinin transferinə göz dikib.
90deqiqe.Az-ın "El Nacional"a istinadən verdiyi xəbərə görə, İngiltərənin top klubu ispan yarımmüdafiəçi Pedrini öz sıralarında görmək istəyir.
"Şəhərlilər"in baş məşqçisi Xosep Qvardiola 22 yaşlı həmyerlisinin transferində şəxsən maraqlıdır.
"Mançester Siti" rəhbərliyi yarımmüdafiəçi üçün təxminən 100 milyon avro təklif etməyə hazırdır. Pedri İngiltərə klubunun yarımmüdafiəçisində belçikalı Kevin de Bruyneni əvəz edə bilər.
İspan futbolçunun "Barselona" ilə müqaviləsi 2030-cu ilin ortalarına qədər nəzərdə tutulub. Onun müqaviləsində bir milyard avro təzminat məbləği nəzərdə tutulub.
