"Barselona" Uilyamsın transferində israrlıdır

"Barselona" hələ də  "Atletik Bilbao"nun vingeri Niko Uilyamsı transfer etməkdə israrlıdır.

90deqiqe.Az-ın "Diario Sport"a istinadən verdiyi xəbərə görə, "Blauqrana" ötən yay ispaniyalı ilə müqavilə imzalamağa çalışsa da, razılaşma baş tutmayıb.

İndi kataloniyalılar cari mövsümün sonunda transfer imkanını nəzərdən keçirir.

Uilyamsın "Atletik"lə hazırkı müqaviləsi 2027-ci ilin ortalarına qədərdir. Futbolçunun transfer dəyəri 70 milyon avro olaraq qiymətləndirilir. İspaniya çempionatının cari mövsümündə Niko 25 matçda iştirak edərək 4 qol və 5 məhsuldar ötürmə ilə yadda qalıb.