Klopp "Real Madrid"in yeni baş məşqçisi ola bilər

"Liverpul"un və Dortmund "Borussiya"sının keçmiş baş məşqçisi Yurgen Klopp tezliklə məşqçilik karyerasını davam etdirə və "Real Madrid"ə rəhbərlik edə bilər.

90deqiqe.Az-ın "TRB Football"a istinadən verdiyi xəbərə görə, Madrid komandasının rəhbərliyi alman mütəxəssisi Karlo Ançelottinin əvəzinə “Real Madrid”in yeni baş məşqçisi postuna ideal namizəd hesab edir, çünki Klopp böyük təcrübəyə malikdir və gənc futbolçularla yaxşı işləməyi bilir.

Kloppun özü də “qaymaqlılar”ın təklifini ciddi şəkildə nəzərdən keçirməyə hazırdır. Hazırda alman mütəxəssis "Red Bull" konserninin futbol şöbəsinin müdiri vəzifəsini icra edir.

Xatırladaq ki, hazırda Karlo Ançelottinin rəhbərliyi altında "Real Madrid" La Liqanın turnir cədvəlində ikinci pillədə qərarlaşıb.