PSJ Vinisiusu "Real Madrid"dən ala bilər

"Real Madrid"də çıxış edən ulduz hücumçu Vinisius Junior Fransa çempionatında iş tapa bilər.

90deqiqe.Az-ın "Todofichajes"ə istinadən verdiyi xəbərə görə, PSJ 24 yaşlı forvardı transfer etməkdə maraqlıdır.

Paris nəhəngləri braziliyalını Premyer Liqanın bir neçə klubu tərəfindən axtarılan Usman Dembelenin əvəzləyicisi kimi nəzərdən keçirir.

Usman ayrılsa, PSJ bütün səylərini Junioru imzalamaq üçün sərf edəcək. Braziliyalının transfer dəyəri 200 milyon avro olaraq qiymətləndirilir.

Futbolçunun "kral" klubu ilə hazırkı müqaviləsi 2027-ci ilin ortalarında başa çatır.