Kante İstanbul nəhənginə keçə bilər

Səudiyyə Ərəbistanı çempionatında "Əl-İttihad"da çıxış edən müdafiəçi yarımmüdafiəçi N'Qolo Kante Avropaya qayıda bilər.

90deqiqe.Az-ın "deadlinedaylive"yə istinadən verdiyi xəbərə görə, təcrübəli fransalı yarımmüdafiəçinin karyerasını Türkiyə Superliqasında davam etdirmək variantı var.

"Beşiktaş" klubu Kantenin xidmətində maraqlıdır. İstanbul təmsilçisi artıq futbolçunun agenti ilə danışıqlara başlayıb.

Qeyd edək ki, Kantenin "Əl-İttihad"la əmək müqaviləsi 2026-cı ilin ortalarına qədərdir. Transfermarkt portalı yarımmüdafiəçinin bazar dəyərini 7 milyon avro qiymətləndirir. Səudiyyə Ərəbistanı çempionatının cari mövsümündə yarımmüdafiəçi 22 oyun keçirib, üç qol vurub və iki məhsuldar ötürmə edib.