"Real"ın hücumçusu iki nəhəngin hədəfində

"Real Madrid"in hücumçusu Vinisius Junior İspaniya çempionatını tərk edə bilər.

90deqiqe.Az-ın "Todofichajes"ə istinadən verdiyi xəbərə görə, İngiltərə Premyer Liqasının iki nəhəngi ulduz braziliyalı ilə müqavilə bağlamaqda maraqlıdır. Forvardı "Mançester Siti" və "Liverpul" almaq istəyir.

Bundan əvvəl də Vinisiusun Səudiyyə Ərəbistanı çempionatında axtarışa verildiyi bildirilirdi.

Bununla belə, hücumçu özü Avropada qalmaq və ən yüksək səviyyədə çıxış etmək istəyir.

Vinisius 2018-ci ilin yayından "Los Blankos"da çıxış edir. 24 yaşlı forvardın klubla müqaviləsi 2027-ci ilin iyun ayının sonuna kimidir. Transfermarkt hücumçunun bazar dəyərini 200 milyon avro qiymətləndirir.