“Arsenal” və “Çelsi” transfer yarışına girib

"Atletik Bilbao"nun hücumçusu Niko Uilyams karyerasını İngiltərə Premyer Liqasında davam etdirə bilər.

90deqiqe.Az-ın "Todofichajes"ə istinadən verdiyi xəbərə görə, İngiltərənin iki klubu ispan forvardın xidmətində maraqlıdır.Söhbət London təmsilçiləri - "Çelsi" və "Arsenal"dan gedir.

“Təqaüdçülər” və “Topçular” Niko Uilyamsın 60 milyon avroya müqaviləsini almaq variantını aktivləşdirməyə hazırdırlar.

"Barselona" isə klubun maliyyə çətinliklərini nəzərə alsaq, belə bir razılaşmanı artıq nəzərdən keçirmir.

2024/2025 mövsümündə Niko Uilyams 40 oyun keçirib, doqquz qol vurub və komanda yoldaşları üçün 7 məhsuldar ötürmə edib.