Akliuş üçün yarışa "Nyukasl" qoşulub

"Monako"nun yarımmüdafiəçisi Maqnes Akliuş daha bir Premyer Liqa klubunun diqqətini cəlb edib.

90deqiqe.Az-ın "TBR Football"a istinadən verdiyi məlumata görə, Fransa U-21 millisinin son oyununu "Nyukasl" skautları yaxından izləyib. Klub rəhbərliyi Akliuşu hücumun sağ cinahında güclü alternativ kimi görür.

60 milyon avro dəyərində qiymətləndirilən gənc futbolçunun "magpies"ə keçidinə qarşı ciddi bir maneə yoxdur.

Bu mövsüm 23 yaşlı futbolçu bütün turnirlərdə 37 oyun keçirib, 6 qol vurub və 10 məhsuldar ötürmə edib. Bir sıra komandaların, o cümlədən “Mançester Siti”nin marağının artmasına baxmayaraq, Akliuş qış transfer pəncərəsində “Monako”dan ayrılmadı.