- Transfer
- 23:58 01.10.2026
Latsio'nun braziliyalı hücumçusu Luan Kappani klubunu dəyişib.
Corner.az xarici mətbuata istinadən məlumat verir ki, 19 yaşlı futbolçu "Milan"a keçib.
Gənc futbolçu artıq yeni klubu ilə rəsmi müqavilə imzalayıb. Kappani "Milan"a keçdiyi üçün xoşbəxt olduğunu deyib: "Həmişə "Milan" kimi böyük klubda oynamaq arzusunda olmuşam. Mənə inanıb bu şansı verdikləri üçün kluba minnətdaram".
Qeyd edək ki, "Flamenqo"dan "Latsio"ya keçən Luan Kappani ötən mövsüm Latsio'nun əvəzedici komandasında 19 matçda 13 qol vurub.
