"Betis"in futbolçusu "Bornmut"la "Çelsi"nin hədəfində

İspaniyanın "Real Betis" klubunun və ABŞ millisinin yarımmüdafiəçisi Conni Kardozo bir neçə Premyer Liqa klubunun maraq dairəsinə düşüb.

90deqiqe.Az-ın "Todofichajes"ə istinadən verdiyi xəbərə görə, təcrübəli futbolçunun transferi uğrunda "Tottenhem"lə yanaşı "Çelsi" və "Bornmut" da mübarizəyə qoşulub.

Hər iki klubun Kardozo üçün 35 milyon avroluq təklif hazırladığı bildirilir. Bu məbləğin 30 milyon avrosu sabit, 5 milyon avrosu isə futbolçunun gələcək çıxış göstəricilərindən asılı bonus şəklində olacaq.

Qeyd olunur ki, bu təklif "Real Betis"in futbolçunu satmağa razı qalmasına səbəb ola bilər.

Bu mövsüm 24 yaşlı müdafiəçi yarımmüdafiəçi La Liqada 23 matçda meydana çıxıb, 2 qol vurub, 1 məhsuldar ötürmə edib və 5 sarı vərəqə alıb.