"Çelsi" ulduz hücumçu ilə əlaqə saxlayıb

"Çelsi" "Sportinq"in hücumçusu Viktor Qyokeresi almaqda israrlıdır.

90deqiqe.Az xəbər verir ki, London klubunun nümayəndələri potensial əməkdaşlığı müzakirə etmək üçün yenidən forvardla əlaqə saxlayıblar.

"Mavilər" rəhbərliyi isveçli futbolçuya onun hələ də transfer hədəfləri arasında olduğunu açıqlayıb. Eyni zamanda, “Napoli”dən (hazırda icarə əsasında "Qalatasaray"da çıxış edən) Viktor Osimhenin namizədliyi artıq “Çelsi” üçün əvvəllər olduğu qədər prioritet deyil.

Transfermarktın məlumatına görə, Viktor Qyokeres 75 milyon avro dəyərində qiymətləndirilir. 26 yaşlı bu mövsüm "Sportinq"in heyətində 45 matçda 44 qol vurub və 11 məhsuldar ötürmə edib.