"Napoli" bu yay onu almağa çalışacaq

"Mançester Yunayted"in mərkəz hücumçusu Rasmus Hoylund "Napoli"nin diqqət mərkəzinə düşüb.

90deqiqe.Az-ın "La Gazzetta dello Sport"a istinadən verdiyi xəbərə görə, “Napoli” yay transfer pəncərəsində 22 yaşlı forvardı almağa çalışacaq, lakin klub “qırmızı şeytanlar”ın futbolçu üçün istədiyi 60 milyon avronu ödəyə bilmir. Neapol təmsilçisi ödənişi aşağı endirmək üçün danışıqlara başlayacağı gözlənilir.

Bu mövsüm danimarkalı bütün turnirlərdə 43 matçda meydana çıxıb, 8 qol vurub və 4 məhsuldar ötürmə edib.  Hoylundun "Mançester Yunayted"lə hazırkı müqaviləsi 2028-ci ilin iyun ayının sonuna qədərdir.