İspaniya klubu Mahirin transferindən imtina edir

"Estremadura" klubu "Qarabağ"ın futbolçusu Mahir Emrelinin transferindən imtina edə bilər.

Corner.az yerli mətbuata istinadən məlumat verir ki, buna səbəb La Liqa2 təmsilçisinin başqa hücumçunu maraq dairəsinə almasıdır.

Belə ki, "Estremadura" "Barselona"nın yetirməsi olan Rafa Mujikanı transfer etmək istəyir. Yay fasiləsində "Barselona"nın B komandasından "Lids"ə keçən 21 yaşlı hücumçunun başqa kluba icarəyə verilməsi planlaşdırılır. "Estremadura" əgər onu icarəyə götürə bilsə, Mahirdən imtina edəcək.

Qeyd edək ki, Mahir Emreli ilə İspaniya ikinci liqasının digər klubları və Trabzonspor klubu da maraqlanır.