"Çelsi"ni "Əl Nəsr"ə dəyişə bilər

“Çelsi”nin yarımmüdafiəçisi Moises Kaysedo karyerasını “Əl Nəsr” klubunda davam etdirə bilər.

90deqiqe.az “The Telegraph”a istinadən xəbər verir ki, Krişitano Ronaldonun çıxış etdiyi Səudiyyə Ərəbistanı təmsilçisi futbolçu ilə maraqlanır.

“Əl Nəsr” böyük maliyyə resurslarından istifadə edərək dünya futbol ulduzlarını cəlb etmək üçün fəal siyasətini davam etdirir.

Ekvadorlu futbolçunun potensial transfer qiyməti minimum 116 milyon avro olaraq qiymətləndirilir.

Maraqlıdır ki, “Əl-Nəsr”in heyətində artıq Kriştiano Ronaldo, Sadio Mane, Aymerik Laport, Con Durand kimi futbolçular var. Bununla belə, klub 27 turdan sonra hələ də çempionat cədvəlində üçüncü yerdədir və qarşıdakı transfer pəncərəsində yarımmüdafiə xəttini gücləndirməyə ümid edir.

Bununla belə, Kaysedo özünü bu mövsüm Enzo Mareskanın heyətində ən vacib oyunçulardan biri kimi təsdiqləyib, ona görə də “Çelsi” 23 yaşlı futbolçu ilə yollarını ayırmaqda maraqlı deyil. 23 yaşlı ekvadorlu bu mövsüm "Çelsi"nin heyətində 37 oyun keçirib, 1 qol vurub və 3 məhsuldar ötürmə edib.