- Transfer
- 15:10 14.12.2025
Fransanın "Marsel" klubunun hücumçusu Meyson Qrinvud İngiltərə çempionatına qayıda bilər.
90deqiqe.Az-ın "Todofichajes"ə istinadən verdiyi xəbərə görə, 23 yaşlı futbolçu ilə "Liverpul" maraqlanır. Mersisayd klubu artıq futbolçunun agenti ilə əlaqə saxlayıb.
İngilis forvardın transfer dəyəri 35 milyon avro qiymətləndirilir. Qrinvudun Provans klubu ilə hazırkı müqaviləsi 2029-cu ilin iyununun sonunda başa çatır.
Meyson Fransa çempionatının cari mövsümündə 30 oyun keçirib. Hücumçu 18 qol vurub (6 penaltidən) və 3 məhsuldar ötürmə edib.
