Ançelotti gələn həftə "Real"ı tərk edə bilər

"Real Madrid"in baş məşqçisi Karlo Ançelotti yaxın günlərdə Madrid klubunu tərk edə bilər.

90deqiqe.Az-ın "Sky Sports"a istinadən verdiyi xəbərə görə, italiyalı mütəxəssis Braziliya millisinin növbəti baş məşqçisi olmağa çox yaxındır.

Danışıqlar may ayında davam etdiriləcək və Ançelottinin gələn həftə "Real Madrid"dən ayrılması gözlənilir.

Ançelotti 2013-2015-ci illərdə "Real Madrid"i çalışdırıb və 2021-ci ildə yenidən kluba qayıdıb. Onun rəhbərliyi altında "qaymaqlılar" İspaniya çempionu olub, iki dəfə ölkə kubokunu və bir dəfə ölkə Superkubokunu qazanıb, iki dəfə UEFA Superkubokunu və Klublararası Dünya Çempionatını qazanıb.