"Qalatasaray” daha bir futbolçusu ilə yollarını ayırıb.
Corner.az xəbər verir ki, İstanbul təmsilçisi yunanıstanlı futbolçusu Kostas Mitroğlu ilə vidalaşıb.31 yaşlı hücumçu bundan sonra Hollandiyanın PSV klubunda çıxış edəcək. Bu barədə “Qalatasaray”ın rəsmi saytı məlumat yayıb.
İstanbul klubunun yaydığı məlumata görə, PSV “Qalatasaray”a 1 milyon 250 min avro icarə haqqı ödəyəcək. Amma Türkiyə təmsilçisi futbolçunun özünə isə 1 milyon 950 min avro ödəyəcək.
Qeyd edək ki, Mitroğlu əslində müqavilə ilə Fransanın “Olimpik” (Marsel) klubuna məxsusdu. “Qalatasaray” təcrübəli forvardı ötən mövsüm 1,5 illik icarəyə götürmüşdü.
