Bruno Fernandeşin agenti yeni klubu ilə danışıqlar aparıb

"Mançester Yunayted"in yarımmüdafiəçisi Bruno Fernandeş karyerasını "Əl-Hilal"da davam etdirə bilər.

90deqiqe.Az "Transfer News Live"yə istinadən xəbər verir ki,  bazar ertəsi Səudiyyə klubunun nümayəndələri ilə “qırmızı şeytanlar”ın kapitanının agenti arasında görüş baş tutub.

Görüş zamanı tərəflər iyun-iyul aylarında baş tutacaq Klublararası Dünya Çempionatından əvvəl futbolçunun mümkün transferini müzakirə ediblər.

Bruno Fernandeşin "Mançester Yunayted"lə hazırkı müqaviləsi 2027-ci ilə qədərdir və Transfermarkta görə onun transfer dəyəri 55 milyon avrodur. Bu mövsüm 30 yaşlı portuqaliyalı mankunianların heyətində 52 matçda 19 qol vurub və 18 məhsuldar ötürmə edib.