"Liverpul" Bundesliqada Trentə əvəzləyici tapıb

“Liverpul” rəhbərliyi bu yay müdafiəçi Ceremi Frimponqun transferi ilə bağlı “Bayer”lə fəal danışıqlar aparır.

90deqiqe.Az xəbər verir ki, Mersisayd təmsilçisi 24 yaşlı futbolçunu mövsümün sonunda azad agent kimi “Real Madrid”ə keçəcəyi gözlənilən Trent Aleksander-Arnoldun potensial əvəzləyicisi kimi nəzərdən keçirir.

İngiltərə Premyer Liqasının yeni çempionu niderlandlı futbolçunun transferi üçün təxminən 40 milyon avro ödəməyə hazırdır.

Xatırladaq ki, bu mövsüm Ceremi Frimponq “əczaçılar”ın heyətində Almaniya çempionatında 33 oyun keçirib, o, 5 qol vurub və 5 məhsuldar ötürmə edib.