"Monako" Erik Dayerin transferini rəsmən açıqladı

 "Monako" klubu "Bavariya" klubunda çıxış edən müdafiəçi Erik Dayerin transferini rəsmiləşdirib.

90deqiqe.Az xəbər verir ki, bu barədə klubun rəsmi saytı məlumat yayıb.

Açıqlamaya görə, 31 yaşlı futbolçu ilə 2028-ci ilin 30 iyun tarixinədək qüvvədə olacaq üç illik müqavilə imzalanacaq. Müqavilə iyulun 1-dən etibarən qüvvəyə minəcək.

Qeyd edək ki, ingilis futbolçu peşəkar karyerasına Portuqaliyanın "Sportinq" klubunda başlayıb. Daha sonra o, İngiltərənin "Tottenhem" və Almaniyanın "Bavariya" klublarında çıxış edib. O, 2023/2024 mövsümündə "Bavariya" ilə Bundesliqa çempionu olub.