Feliks keçmiş klubuna qayıda bilər

"Çelsi"nin vingeri Joao Feliks karyerasını vətənində davam etdirə bilər.

90deqiqe.Az xəbər verir ki, Portuqaliyanın "Benfika" klubu 25 yaşlı hücumameyilli yarımmüdafiəçini transfer etmək niyyətindədir.Lissabon təmsilçisi Feliksi yenidən heyətinə qatmaq üçün ciddi cəhdlər göstərir. “Benfika” rəhbərliyi futbolçunun transferini reallaşdırmaq üçün bütün imkanlardan istifadə etməyə hazırlaşır.

Feliks 2016-2019-cu illərdə "qartallar"da çıxış edib. 25 yaşlı futbolçu hazırda "Milan"da icarə əsasında çıxış edir. Tərəflər arasında müqavilə 2025-ci ilin iyunun sonunda başa çatır. Joaonun transfer dəyərini Transfermarkt 25 milyon avro olaraq qiymətləndirir.