- Transfer
- 00:08 16.07.2025
“Vest Hem”in cinah oyunçusu Məhəmməd Kudus Premyer Liqanın iki nəhəng klubunun maraq dairəsinə düşüb.
90deqiqe.Az "TBR Football"a istinadən xəbər verir ki, söhbət “Arsenal” və “Liverpul” komandalarından gedir. Sözügedən klublar artıq futbolçunun agenti ilə əlaqə saxlayıb.
24 yaşlı futbolçunun mümkün transferi 77-83 milyon avro aralığında qiymətləndirilir. “Vest Hem” bu məbləğ çərçivəsində daxil olacaq təklifləri dəyərləndirməyə hazırdır.
Hazırkı oyun kampaniyasında Kudus London komandası üçün 33 oyun keçirib, dörd qol vurub və dörd məhsuldar ötürmə edib. Cinah oyunçusunun "Vest Hem"lə müqaviləsi 2028-ci ilin ortalarına qədərdir. Transfermarkt portalı futbolçunun dəyərini 50 milyon avro qiymətləndirir.
