Leroy Sane Premyer Liqaya qayıda bilər

"Bavariya"nın vingeri Leroy Sane cari mövsümün sonunda komandasını dəyişə bilər.

90deqiqe.Az "Bild" nəşrinə istinadən xəbər verir ki, futbolçu hələlik yeni müqavilə ilə bağlı razılığa gəlməyib. Tərəflər arasında mövcud razılaşma iyunun sonunda başa çatır.

Alman yarımmüdafiəçi ilə “Çelsi” və “Arsenal”ın maraqlanır. Hər iki London klubu 29 yaşlı oyunçunun azad agent kimi sərbəst transferindən faydalanmaq niyyətindədir. 

Leroy 2020-ci ildən “Bavariya”da çıxış edir. Almaniya çempionatının cari mövsümündə cinah oyunçusu 29 oyun keçirib, bu oyunda 11 qol vurub və 5 məhsuldar ötürmə edib.