"Yuventus" De Bruyneni "Napoli"dən qoparmağa çalışır

İtaliyanın "Yuventus" klubu "Mançester Siti"nin yarımmüdafiəçisi Kevin De Bruyneni transfer etmək üçün mübarizəyə qoşulub.

90deqiqe.Az xəbər verir ki, Turin klubu yay transfer pəncərəsində belçikalı futbolçu ilə əlaqə saxlayıb, lakin Napoliyə keçid daha çox ehtimal edilir.

Artıq De Bruyne ilə "Napoli" klubu arasında illik 10 milyon avro maaşla müqavilə imzalanıb.

Daha əvvəl futbolçu ilə İngiltərə Premyer Liqa klublarının və "Real Madrid"in də maraqlandığı bildirilirdi.

Kevin De Bruynenin "Mançester Siti" ilə müqaviləsi 30 iyun 2025-ci ildə başa çatır. O, 2015-ci ilin avqustundan "Siti"də çıxış edir.