Kaoru Mitoma “Bavariya”nın transfer hədəfində

"Brayton"un cinah oyunçusu Kaoru Mitomanın yay transfer dönəmində “Bavariya”ya keçə bilər.

90deqiqe.Az xəbər verir ki, yaponiyalı oyunçunun xidmətində Bundesliqa çempionu maraqlıdır.

Mitomanın özü də mövsümün sonunda Münehn klubuna ransfer olunmağa qarşı deyil. Münhen klubu artıq futbolçunun agentləri ilə ilkin təmaslar qurub, lakin hələlik rəsmi təklif təqdim edilməyib.

26 yaşlı vinger “Brayton”un heyətində dördüncü mövsümünü keçirir. Cari mövsümdə bütün yarışlar üzrə 40 oyuna çıxan Mitoma 11 qol və 3 məhsuldar ötürmə ilə yadda qalıb. Onun Premyer Liqa klubu ilə müqaviləsi 2027-ci ilin yayına qədər qüvvədədir.