"Transfermarkt" Səudiyyə Pro Liqasında dəyərləri yenilədi - Ronaldo 24-cü, Benzema 37-ci yerdə

Futbolçuların transfer dəyərini qiymətləndirmək üzrə ixtisaslaşan “Transfermarkt” statistik portalı Səudiyyə Ərəbistanı Pro Liqası üçün məlumatları yeniləyib.

90deqiqe.Az xəbər verir ki, yenilənmiş reytinqə əsasən, “Əl-Nəsr”in portuqaliyalı hücumçusu Kriştiano Ronaldo 24-cü pillədə qərarlaşıb. “Real Madrid”in sabiq ulduzu hazırda 12 milyon avro dəyərində qiymətləndirilir.

Ronaldonun keçmiş komanda yoldaşı, hazırda “Əl-İttihad”da çıxış edən Kərim Benzema isə 37-ci yerə enib. Fransalı hücumçunun bazar dəyəri 7 milyon avrodur.

Səudiyyə Ərəbistanı Pro Liqasının bəzi tanınmış futbolçularının cari transfer dəyərləri:

• 11. Rocer İbanez (“Əl-Əhli”) – 17 milyon avro (-1 milyon)

• 12. Sergey Milinkoviç-Saviç (“Əl-Hilal”) – 17 milyon avro (-3 milyon)

• 15. Fabinyo (“Əl-İttihad”) – 15 milyon avro (-3 milyon)

• 16. Joao Kanselo (“Əl-Hilal”) – 15 milyon avro (-3 milyon)

• 24. Kriştiano Ronaldo (“Əl-Nassr”) – 12 milyon avro

• 30. Riyad Mahrez (“Əl-Əhli”) – 8 milyon avro (-1 milyon)

• 32. Sadio Mane (“Əl-Nassr”) – 8 milyon avro (-1 milyon)

• 37. Kərim Benzema (“Əl-İttihad”) – 7 milyon avro (-1 milyon)

• 48. N’Qolo Kante (“Əl-İttihad”) – 5 milyon avro (-2 milyon)

• 96. Naço Fernandez (“Əl Qadisiya”) – 2 milyon avro (-0,5 milyon)