PSJ onun transferi üçün hərəkətə keçib

“River Pleyt”in gənc istedadı Franko Mastantuono Avropanın aparıcı klublarının maraq dairəsində qalmaqda davam edir.

90deqiqe.Az-ın məlumatına görə,16 yaşlı yarımmüdafiəçiyə Fransanın PSJ klubu ciddi maraq göstərir. Paris təmsilçisi artıq futbolçunun nümayəndələri ilə ilkin görüşlər keçirib.

Məlumata görə, PSJ iki variantı dəyərləndirir: ya Mastantuononun müqaviləsindəki satınalma bəndini aktivləşdirmək, ya da “River Pleyt”lə birbaşa transfer məbləği üzərində danışıqlara başlamaq.

Qeyd edək ki, daha əvvəl Mastantuononun 2026-cı ildə “Real Madrid”ə keçəcəyi ilə bağlı xəbərlər yayılmışdı.