“Arsenal” və “Leypsiq” Şeşko üçün razılığa gəlmək üzrədir

İngiltərənin “Arsenal” klubu “Leypsiq”in mərkəz hücumçusu Benjamin Şeşkonu heyətinə qatmaq istəyir.

90deqiqe.Az xəbər verir ki, “topçular” sloveniyalı futbolçunun transferi üçün Bundesliqa təmsilçisi ilə intensiv danışıqlar aparır. Transferdə satın alma maddəsi kimi 80 milyon avrodan yüksək məbləğin nəzərdə tutulduğu bildirilir, lakin dəqiq rəqəm hələ açıqlanmayıb.

Bununla belə, “Arsenal” hələ də Portuqaliyanın “Sportinq” klubundan Viktor Qyokeresə maraq göstərir. Lakin İngiltərə təmsilçisinin əsas diqqəti hazırda 21 yaşlı forvardın üzərindədir.

Bu mövsüm Sesko “Leypsiq”in heyətində bütün yarışlarda 45 oyuna çıxıb, 21 qol vurub və 6 məhsuldar ötürmə ilə fərqlənib. Gənc hücumçu hücum xəttində komandaya böyük dəstək verir və “Arsenal” onu gələcək üçün əsas transfer hədəfi kimi görür.