"Aston Villa" Qarnaço üçün mübarizəyə qoşuldu

"Mançester Yunayted"in yarımmüdafiəçisi Alexandro Qarnaço bu yay klubunu dəyişə bilər.

90deqiqe.Az-ın “CaughtOffside"yə istinadən yaydığı məlumata görə, 20 yaşlı futbolçuya maraq göstərən klublar sırasına "Aston Villa" da qoşulub.

Bundan əvvəl argentinalı vingerlə "Napoli" və "Bayer" də maraqlanırdı. Lakin futbolçu karyerasını İngiltərə Premyer Liqasında davam etdirməyə üstünlük verdiyi üçün təklifləri geri çevirib.

Qarnaçonun əsas arzusunun "Çelsi"də çıxış etmək olduğu bildirilir.

İstedadlı argentinalının gələcəyi yay transfer dönəminin əsas intriqalarından birinə çevrilə bilər.