Messinin atası Səudiyyə fonduyla danışıqlar aparır

"İnter Mayami"nin hücumçusu Lionel Messinin atası Xorxe Messi Səudiyyə Ərəbistanının Dövlət İnvestisiya Fondu ilə danışıqlar aparır.

90deqiqe.Az xəbər verir ki,  argentinalı futbolçu 2023-cü ilin yayında transfer olunduqdan sonra MLS-in inkişafındakı irəliləyişlərdən narazıdır.Messinin atası ilə aparılan danışıqlarda mümkün transferin təkcə idman tərəfinin deyil, həm də marketinq layihəsinin müzakirə olunduğu vurğulanır. Eyni zamanda, hücumçunun keçə biləcəyi klubun adı qeyd edilmir.

Xatırladaq ki, Messinin "İnter Mayami" ilə hazırkı əmək müqaviləsi 2025-ci ilin sonuna kimi hesablanıb.